Denak

Lehenik eta behin puxika puztu behar dugu. Jarraian puxikatik aireak ihes egin ez dezan, zenbait bira emango dizkiogu ahokoari eta arropa esekitzeko pintza batez eutsiko dugu.
Ondoren, plastikozko botila hartu eta goiko aldetik moztuko dugu, inbutu baten antzeko zerbait eskuratzeko moduan.
Horretarako, oso garrantzitsua da pertsona heldu baten laguntza edukitzea, punta zorrozdun artaziak erabiltzea arriskutsua izan daiteke eta.
Ondoren, botilaren alde moztuarekin atzamarretan ebakirik ez egiteko, zinta itsaskorrez estaliko dugu.
Jarraian, puxikaren ahokoa plastikozko botilaren ahoan jarriko dugu, tapoia kenduta.
Botilaren ahoa baino handiagoa den paper zati bat moztu behar dugu orain, eta haren barruan sartuko dugu, tapoi funtzioa bete dezan. Bukatzeko, botila konfetiz beteko dugu eta prest daukagu jaurtigailua!